Rruga Profesionale dhe Akademike e Visarit
Studimet Akademike të Visarit: Një Frymë Ndërkombëtare
1993 –2004
Visar Ademi ka ndërtuar një karrierë akademike në disa prej institucioneve më të njohura ndërkombëtare. Ai është diplomuar në Administrim Biznesi në Universitetin e Tiranës, e ka vijuar studimet pasuniversitare në University of Kentucky në SHBA (2001–2002), ku është specializuar në Biznes Ndërkombëtar dhe Diplomaci, si dhe ka përfituar njohuri të vlefshme gjatë internship-it në Valvoline, korporatë ndërkombëtare.
Në vitin 2003, Ademi u përzgjodh si një nga fituesit e bursës së njohur Chevening, e akorduar nga Qeveria e Mbretërisë së Bashkuar, për të ndjekur programin MBA në Administrim Biznesi në Lancaster University, një prej universiteteve më prestigjioze në Britani.
Studimet Akademike të Visarit: Një Frymë Ndërkombëtare
1993 –2004
Visar Ademi ka ndërtuar një karrierë akademike në disa prej institucioneve më të njohura ndërkombëtare. Ai është diplomuar në Administrim Biznesi në Universitetin e Tiranës, e ka vijuar studimet pasuniversitare në University of Kentucky në SHBA (2001–2002), ku është specializuar në Biznes Ndërkombëtar dhe Diplomaci, si dhe ka përfituar njohuri të vlefshme gjatë internship-it në Valvoline, korporatë ndërkombëtare.
Në vitin 2003, Ademi u përzgjodh si një nga fituesit e bursës së njohur Chevening, e akorduar nga Qeveria e Mbretërisë së Bashkuar, për të ndjekur programin MBA në Administrim Biznesi në Lancaster University, një prej universiteteve më prestigjioze në Britani.
Studimet Akademike të Visarit: Një Frymë Ndërkombëtare
1993 –2004
Visar Ademi ka ndërtuar një karrierë akademike në disa prej institucioneve më të njohura ndërkombëtare. Ai është diplomuar në Administrim Biznesi në Universitetin e Tiranës, e ka vijuar studimet pasuniversitare në University of Kentucky në SHBA (2001–2002), ku është specializuar në Biznes Ndërkombëtar dhe Diplomaci, si dhe ka përfituar njohuri të vlefshme gjatë internship-it në Valvoline, korporatë ndërkombëtare.
Në vitin 2003, Ademi u përzgjodh si një nga fituesit e bursës së njohur Chevening, e akorduar nga Qeveria e Mbretërisë së Bashkuar, për të ndjekur programin MBA në Administrim Biznesi në Lancaster University, një prej universiteteve më prestigjioze në Britani.
Të gjitha rrugët çojnë në shtëpi: Rikthimi nga Jashtë në Shërbim të Zhvillimit të Vendit të tij.
2006 - 2019
Për kontributin e tij si përfitues dhe si promovues i bursës Chevening, Visar Ademi është zgjedhur anëtar i Komitetit Drejtues të Alumni-t të Chevening në Maqedoni, i emëruar nga Ambasada Britanike në Shkup në vitin 2006. Ai ka kontribuar në promovimin dhe mbështetjen e të rinjve nga Maqedonia për të ndjekur këtë mundësi unike akademike.
Më vonë, në periudhën 2014–2019, ai përfundoi studimet e doktoraturës në South East European University (SEEU) në Maqedoninë e Veriut, duke u fokusuar në fushat e administrimit të biznesit dhe menaxhimit, me theks të veçantë në analizën e kapitalit njerëzor dhe zhvillimin ekonomik rajonal.
Duke i dhënë gjithmonë zemër Gostivarit, një vizion i hershëm dhe i pandryshuar.
1999 – 2002
Në zemër të Gostivarit, Visar Ademi nisi një kapitull të rëndësishëm të karrierës së tij si konsulent i menaxhimit të biznesit pranë Enterprise Support Agency. Me një përkushtim të palëkundur ndaj zhvillimit të ndërmarrjeve të vogla dhe të mesme, ai u shndërrua në shtyllën kryesore të mbështetjes për shumë sipërmarrës. Duke hartuar plane biznesi dhe duke ofruar trajnime të personalizuara, Visari jo vetëm që ndihmoi në ngritjen e mbi 30 moduleve trajnimi dhe krijimin e 300 punëtorive(workshops), por edhe në sigurimin e mbi 100,000 paundëve sterlinë nga institucione ndërkombëtare.
Gjithmonë i gatshëm për të sjellur ndryshimin.
2002 -2004
Në Gjenevë, si Drejtor Ekzekutiv i Equibonds SA, Visar Ademi hapi dyert e një tregu të ri për produktet Monarch në Evropën Juglindore. Me aftësitë e tij bindëse dhe vizion, brenda vetëm dy muajsh nënshkroi marrëveshje me tre fabrika private në rajon, duke sjellë produktet në duart e 20 milion konsumatorëve dhe duke rritur shitjet me 20% brenda vitit të parë të operimit.
Rritja e Kapacitetit.
2004
Në ishullin britanik të Lancaster, çoi kompaninë Cleveley Mere në segmentë të pazbuluar më parë, duke rritur kapacitetin e ngjarjeve korporative me mbi 50% dhe duke sjellë një rritje të jashtëzakonshme të klientelës dhe të ardhurave.
Midis Londrës dhe Shkupit: Dy role, një Mision.
2004
Në qershor të vitit 2004 në Londër, Visari hartonte tezën e MBA-së mbi ndikimin e mikrofinancave të EBRD në Ballkanin Perëndimor, Visar Ademi raportonte drejtpërdrejt në selinë qendrore për performancën e bankave ProCedit në këto shtete. Në të njëjtën kohë, në Shkup, ai vlerësonte efektin e konsulencës ndërkombëtare në zhvillimin e bizneseve vendase, si pjesë e një projekti të financuar nga Agjencia Evropiane për Rindërtim.
Midis Londrës dhe Shkupit: Dy role, një Mision.
2004
Në qershor të vitit 2004 në Londër, Visari hartonte tezën e MBA-së mbi ndikimin e mikrofinancave të EBRD në Ballkanin Perëndimor, Visar Ademi raportonte drejtpërdrejt në selinë qendrore për performancën e bankave ProCedit në këto shtete. Në të njëjtën kohë, në Shkup, ai vlerësonte efektin e konsulencës ndërkombëtare në zhvillimin e bizneseve vendase, si pjesë e një projekti të financuar nga Agjencia Evropiane për Rindërtim.
Fuqizimi i Të Rinjve: Hapat Drejt Ndërtimit të Bizneseve të Suksesshme
2004-2008
Në kuadër të projektit HELP, i financuar nga USAID dhe implementuar nga Indiana University, Visar Ademi mori në dorë menaxhimin e një buxheti prej 1.8 milionë dollarësh në Universitetin e Evropës Juglindore në Shkup. Ngriti kapacitetet e fakulteteve të Administrimit të Biznesit dhe Shkencave Kompjuterike, duke kthyer mbi 20 instruktorë në konsulentë biznesi dhe duke ofruar mbi 100 trajnime të personalizuara për kompani të rajonit. Me organizimin e panaireve të karrierës, ku merrnin pjesë më shumë se 60 kompani të njohura, ai hapi dyert e tregut të punës për mijëra studentë, duke përshpejtuar zhvillimin profesional dhe ekonomik në Maqedoni dhe më gjerë.
Si udhëheqës Ekipi dhe Konsulent Rajonal i Menaxhimit të Biznesit në SPARK, Një organizatë e financuar nga Holanda, ai krijoi dhe udhëhoqi programe trajnimi që ndezën pasionin dhe aftësitë e mijëra të rinjve në Ballkanin Perëndimor (Maqedoni, Kosovë dhe Mal i Zi), duke shndërruar ide në biznese të suksesshme dhe duke forcuar rrjetet lokale të trajnerëve. Me çdo hap strategjik, Visari ndërtoi themele të qëndrueshme për një të ardhme ekonomike më të ndritshme në rajon.
Lider i Zhvillimit të Fuqisë Punëtore dhe Fuqizimit të Bizneseve në Maqedoni
2007 – 2012
Si Udhëheqës i Zhvillimit të Fuqisë Punëtore në USAID, Visar Ademi drejtoi një projekt kyç që nxiti investime, rriti eksportet dhe krijoi vende të reja pune në Maqedoni. Njëkohësisht, si Konsulent në Ecorys, ai zhvilloi trajnime të personalizuara për mbi 20 kompani, duke përmirësuar menaxhimin dhe marketingun e tyre dhe duke krijuar lidhje të forta mes sektorit privat dhe institucioneve vendore.
Karriera Fillon në Universitet: Një Model i Ri për të Rinjtë Shqiptarë
2012 – 2013
Gjatë viteve 2012–2013, Visar Ademi u angazhua si ekspert për zhvillimin e fuqisë punëtore në kuadër të USAID, në bashkëpunim me Chemonics International në Shqipëri. Në qendër të punës së tij ishte sfida për të lidhur universitetet me tregun e punës; një boshllëk që i linte të rinjtë pa mundësi reale punësimi pas diplomimit.
Nëpërmjet analizës dhe propozimeve konkrete, ai kontribuoi në krijimin e zyrave të karrierës në pesë universitete publike, zhvilloi programe për aftësi të buta dhe trajnime praktike, dhe ndihmoi në hartimin e kurrikulave të reja në bashkëpunim me kompanitë udhëheqëse të sektorëve kyç. Kjo qasje solli një model funksional që forcoi ndjeshëm përgatitjen e të rinjve për tregun e punës.
Rrënjë të Reja për Rrugtimin Profesional të Studentëve në Kosovë
2016
Në vitin 2016, Visar Ademi mori rolin udhëheqës si Team Lead Consultant pranë organizatës ndërkombëtare World Learning. Gjatë kësaj periudhe, ai drejtoi zhvillimin e një skeme praktike për të katër fakultetet e Prishtinës, për të kthyer praktikën në një urë reale mes teorisë dhe karrierës. Analizoi funksionimin e Qendrës së Karrierës së universitetit dhe, mbi bazën e asaj që pa dhe dëgjoi në terren, propozoi një model të ri, më të përqendruar tek nevojat konkrete të studentëve dhe të tregut të punës. Portofoli i shërbimeve të Qendrës së Karrierës u pasurua me aktivitete të reja, të dizajnuara për ti orientuar dhe ndihmuar brezin e ri.
Mundësi të Barabarta në Tregun e Punës së Gostivarit
2017–2018
Si Këshilltar Strategjik për UNDP-në në Stamboll, Visar Ademi udhëhoqi një analizë të thelluar të tregut të punës në Gostivar, me fokus te grupet e margjinalizuara. Ai identifikoi pengesat kryesore që kufizonin aksesin e tyre në punësim dhe hartoi një model gjithëpërfshirës për përfshirjen e institucioneve lokale. Udhëzimet për monitorim dhe vlerësim, së bashku me propozimet konkrete, i dhanë projektit një strukturë të qëndrueshme për të ardhmen.
Nga Ballkani në Afrikën Lindore: Në Shërbim të Rritjes Ekonomike
2017–2018
Në vitin 2017, Visar Ademi u nis drejt Tanzanisë për të kontribuar në projektin “Feed the Future” të USAID-it, si Konsulent i Biznesit. Në katër qytete kryesore: Mbeya, Iringa, Morogoro dhe Dar Es Salaam, ai punoi me ofrues të shërbimeve të zhvillimit të biznesit, për të diagnostikuar pengesat që kufizonin rritjen e tyre.
Me një qasje praktike dhe përkushtim të thellë, ai hartoi programe trajnimi, zhvilloi plane veprimi individuale dhe ngriti kapacitetet e më shumë se 40 profesionistëve vendas. Kontributi i tij solli një vizion të ri për zhvillimin e shërbimeve konsulente në rajon dhe ndikoi në riformësimin e strategjive të projektit ENGINE për mbështetjen e mëtejshme të këtij sektori.
Praktikat e Punës në Fokus Rajonal
2018
Në vitin 2018, në Sarajevë, Visar Ademi iu bashkua Këshillit për Bashkëpunim Rajonal (RCC) si konsulent, me një mision të qartë: të vlerësonte dhe përmirësonte skemat e praktikave të punës në vendet e Ballkanit Perëndimor.
Ai hartoi metodologjinë e vlerësimit, analizoi praktikat ekzistuese në secilin vend, dhe nxori rekomandime konkrete për avancimin e programeve të praktikës. Rezultatet e punës së tij u prezantuan në konferenca rajonale, duke kontribuar në ndërtimin e një qasjeje të unifikuar dhe më efektive për integrimin e të rinjve në tregun e punës në rajon.
Një Dekadë e Gjysmë Duke Frymëzuar Gjenerata të Reja
2004-2022
Që nga viti 2004, Visar Ademi ka qenë një shtyllë e rëndësishme në mjedisin akademik të Universitetit të Evropës Juglindore (SEEU), duke dhënë mësim në kampuset e Tetovës dhe Shkupit për gati 18 vite. Me pasionin për të përcjellë dije dhe për të nxitur mendimin kritik, ai ka ligjëruar lëndë të shumta si Ndërmarrësia, Parimet e Menaxhimit dhe Marketingut, Menaxhimi Strategjik dhe e-Marketingu, si për studentët në nivelin Bachelor, ashtu edhe për ata në studimet Master.
Përmes këtij rrugëtimi të gjatë në auditorë, Visari ka qenë jo vetëm pedagog, por edhe mentor dhe frymëzues për mijëra të rinj që sot kontribuojnë në ekonominë dhe shoqërinë e rajonit.
Përgatitja e të Rinjve për Tregun e Punës në Kosovë
2014-2022
Nga fundi i vitit 2014 deri në qershor të vitit 2022, Visar Ademi ka qenë i angazhuar si konsulent për organizatën zvicerane HELVETAS, në një projekt që kishte në qendër përmirësimin e kushteve në tregun e punës për të rinjtë në Kosovë. Duke bashkëpunuar ngushtë me universitete, shkolla të mesme dhe zyrat publike të punësimit, ai ka udhëhequr trajnime për këshilltarë karriere dhe ka kontribuar në ngritjen e shërbimeve jo-akademike brenda institucioneve arsimore.
Një nga arritjet kyçe të këtij angazhimi ka qenë zhvillimi i një manuali për Zhvillimin e Karrierës, një udhëzues praktik që sot përdoret nga qindra këshilltarë karriere në të gjithë vendin.
Të Ndërtosh një Udhë për Çdo të Ri në Shqipëri
2016–2022
Për më shumë se gjashtë vite, Visar Ademi shërbeu si konsulent udhëheqës për RisiAlbania, një projekt i zbatuar nga HELVETAS në Shqipëri. Qëllimi i angazhimit të tij ishte të vlerësonte praktikat e orientimit në karrierë në 9 institucione kyçe që përfaqësonin gjithë spektrin e ofruesve të këtyre shërbimeve: nga arsimi fillor dhe ai i mesëm, deri te universitetet, institucionet shtetërore dhe kompanitë e punësimit. Duke analizuar hollësisht sistemin ekzistues, ai propozoi modele konkrete për ndërhyrje që mund të integrohen në të gjitha institucionet, si dhe shërbime për përmirësim specifik institucional.
Ekspert Global për Partneritete në Arsimin dhe Ekonomi
2020–2022
Visar Ademi ka kontribuar në ndërtimin dhe zhvillimin e qendrave të karrierës në pesë universitete publike në Tunizi, duke ndihmuar institucione jo-akademike për të lidhur arsimin me sektorin privat. Ai ka kryer analiza të thelluara për partnerët potencialë në arsimin e lartë, ka zhvilluar programe për ngritjen e kapaciteteve të stafit universitar, dhe ka pilotuar iniciativa inovative për përputhjen e ofertës së arsimit me kërkesat e tregut të punës. Kjo ka ndihmuar në forcimin e bashkëpunimit ndërmjet universiteteve dhe sektorit ekonomik, duke kontribuar në përmirësimin e mundësive për zhvillimin e kapitalit njerëzor në Tunizi.
Udhëheqës në Bashkëpunim dhe Zhvillim Institucional
2022 - 2023
Gjatë 18 muajsh implementimi projekti në Kosovë, Visar Ademi udhëhoqi një grup konsulentësh lokalë në zhvillimin e një Plan Veprimi për vlerësimin e kapaciteteve për të lehtësuar dhe monitoruar bashkëpunimin midis sektorit privat dhe institucioneve të Arsimit Profesional dhe Teknik (VET). Hartoi analizën e stimujve financiarë dhe jofiskalë për partnerët privatë të arsimit, si dhe ofroi rekomandime pranë Ministrisë së Financave për efektivitetin e paketës fiskale. Gjithashtu, kontribuoi në dizajnimin e programeve trajnuese për përmirësimin e kompetencave dhe njohurive të studentëve në arsimin VET.
Një Lider me Përvojë Ndërkombëtare, i Përkushtuar për Zhvillimin e Komunës Sonë
Sot
Sot, Visar Ademi merr iniciativën dhe kandidon si kandidat i pavarur për kryetar të Komunës së Gostivarit! Një lider me përvojë ndërkombëtare, i përkushtuar për zhvillimin e komunës sonë.
Me mbi 25 vite përvojë në menaxhim, zhvillim karriere dhe nisma inovative në arsim dhe sektorin privat në vend dhe rajon, Visar Ademi sjell një vizion të qartë dhe të realizueshëm për zhvillimin e Komunës së Gostivarit. Ai sjell eksperiencën e duhur për të ndërtuar një komunitet ku të rinjtë dhe bizneset ecin përpara së bashku, ku arsimi dhe ekonomia bashkohen për një të ardhme më të mirë.
Si kandidat i pavarur, ai përfaqëson zërin e njerëzve dhe kërkon të sjellë transparencë, bashkëpunim dhe zhvillim të qëndrueshëm në komunën tonë.
Me Visarin, për Gostivarin!
